L’Óusservatòri de la Lengo e de la Culturo Prouvençalo
Ourganisme culturau e scientifi qu’a pèr toco de couourdouna lis acioun pèr la lengo prouvençalo entre couleitiveta, assouciacioun e Educacioun naciounalo, l’Óusservatòri es tambèn un cèntre de ressourso e un endré de creacioun s’endraiant vers la moudernita tout en aparant l’eiretage de si tradicioun, emé majamen l’acuei d’ataié, de seminàri de fourmacioun e d’enfourmacioun, d’espousicioun, de counferènci.
Li toco de l’Óusservatòri
Soun multiplo e coumplementàri, ourganisado sus tres grand pole d’acioun :
- centralisacioun e tratamen di dounado d’óusservacioun sus la lengo e la culturo prouvençalo
- doucumentacioun sus Prouvènço
- ativeta artistico e culturalo
Emé l’ajudo d’espèrt dins un Coumitat scientifi, l’Óusservatòri se baio pèr messioun de :
- centralisa e unifica lis iniciativo pèr Prouvènço, sa culturo e sa lengo, lou prouvençau
- proudurre uno couneissènço partejado sus la situacioun e la pratico de la lengo e di tradicioun prouvençalo
- permetre en tóuti d’aprene la lengo prouvençalo coudificado pèr Frederi Mistral
- aculi la culturo e lis art : musico, literaturo, tiatre, pinturo…
- pourgi uno doucumentacioun de qualita toucant lou relarg prouvençau e si tradicioun
L’Óusservatòri, liò de vido de la culturo prouvençalo
L’Óusservatòri a planta caviho dins lou Mas Sant-Pau, à Chivau-Blanc (84). Aquesto vasto bastido patrimounialo permet d’espandi dins d’espàci dedica mant uno ativeta que mostron bèn la diversita de la culturo prouvençalo :
- La Biblioutèco Jan-Pèire Tennevin : cèntre de ressourso em’uno mediatèco richo de mai de 2500 óubrage que lou publi, lis estudiant, li cercaire, lis assouciacioun li podon counsulta.
- Tres salo que podon aculi espousicioun, counferènci, councert, charradisso e rescontre divers.
- Lou Pargue : quàsi 10 eitaro pèr de manifestacioun diverso à la bello sesoun.
