Assouciacioun lèi 1901, creado en 2000, que sa toco es l’aparamen e l’espandimen de la lengo e de la culturo prouvençalo, lou Couleitiéu Prouvènço recampo ciéutadan, assouciacioun e mai d’un centenau de coumuno sus tout lou territòri de la regioun Prouvènço-Aup-Costo d’Azur. Lou Couleitiéu Prouvènço es à l’óurigino de próujèt ennouvaire e que recampon li gènt pèr enança nosto especificeta regiounalo.

L’Óusservatòri de la lengo e de la culturo prouvençalo (l’Óusservatòri) a dubert si porto en 2020. S’atrobo au Mas Sant-Pau, sus la coumuno de Chivau-Blanc (84). Aquest establimen que represènto la culturo regiounalo mistralenco a pèr toco d’ajuda e de valourisa la lengo, l’art e li tradicioun de Prouvènço. Ourganisme à coumpetènci regiounalo beileja pèr lou Couleitiéu Prouvènço, l’Óusservatòri a pèr ambicioun de faire raiouna Prouvènço, ié baiant coume acò la plaço que s’amerito dins li gràndi regioun lenguistico de Franço.

Assouciacioun lèi 1901, creado en 2000, que sa toco es l’aparamen e l’espandimen de la lengo e de la culturo prouvençalo, lou Couleitiéu Prouvènço recampo ciéutadan, assouciacioun e mai d’un centenau de coumuno sus tout lou territòri de la regioun Prouvènço-Aup-Costo d’Azur. Lou Couleitiéu Prouvènço es à l’óurigino de próujèt ennouvaire e que recampon li gènt pèr enança nosto especificeta regiounalo.

Pèr entre-mena sa messioun, lou Couleitiéu Prouvènço meno d’acioun pèr valourisa e espandi la lengo e la culturo prouvençalo, en aparant un eiretage que i’anan basti dessus noste aveni.

• Acioun militanto : sensibilisacioun dis elegi, di catau e di ciéutadan pèr la recouneissènço óuficialo de la lengo prouvençalo.
• Evenimen : ourganisacioun de festenau, forum, manifestacioun culturalo…
• Edicioun : Diciounàri Francés/Prouvençau Lou Coupier, reviraduro de classi de la bando dessinado en prouvençau, libre sus l’istòri de Prouvènço, revisto bilengo Me Dison Prouvènço…
• Gestioun de l’Óusservatòri – Óusservatòri de la lengo e de la culturo prouvençalo

Aquéli diferèntis acioun e aquest envanc douna pèr lou Couleitiéu Prouvènço, assouciacioun pourtado pèr si sòci, an deja fa espeli de bèlli realisacioun  : li mant un Forum, liò de rescontre e de debat pèr lis atour de la culturo regiounalo ; l’engajamen dis elegi loucau emé la signaturo de la Charto « Ma vilo s’engajo pèr Prouvènço ! », e tambèn d’elegi territouriau, majamen de la Regioun pèr la « Counvencioun d’assouciacioun pèr la valourisacioun de l’ensignamen di lengo e culturo regiounalo dins la regioun academico Prouvènço-Aup-Costo d’Azur » ; e de-segur la creacioun de l’Óusservatòri de la lengo e de la culturo prouvençalo.

Pamens, rèsto encaro de camin à batre pèr que Prouvènço ague la plaço que s’amerito dins la tiero di gràndi regioun lenguistico de Franço. Es pèr acò que lou Couleitiéu Prouvènço se dèu de manteni soun acioun pèr :

• Recouneissènço pèr l’Estat dóu prouvençau coume lengo de Franço.
• Recouneissènço de l’eicecioun culturalo prouvençalo.
• Generalisacioun de l’iniciacioun au prouvençau mistralen dins lis escolo de Prouvènço.
• Ensignamen dóu prouvençau à la sousto de la Regioun.
• Creacioun d’un CAPES de prouvençau.