Couleitiéu Prouvènço
Assouciacioun lèi 1901, creado en 2000, que sa toco es l’aparamen e l’espandimen de la lengo e de la culturo prouvençalo, lou Couleitiéu Prouvènço recampo ciéutadan, assouciacioun e mai d’un centenau de coumuno sus tout lou territòri de la regioun Prouvènço-Aup-Costo d’Azur. Lou Couleitiéu Prouvènço es à l’óurigino de próujèt ennouvaire e que recampon li gènt pèr enança nosto especificeta regiounalo.
Óusservatòri de la lengo e de la culturo prouvençalo
L’Óusservatòri de la lengo e de la culturo prouvençalo (l’Óusservatòri) a dubert si porto en 2020. S’atrobo au Mas Sant-Pau, sus la coumuno de Chivau-Blanc (84). Aquest establimen que represènto la culturo regiounalo mistralenco a pèr toco d’ajuda e de valourisa la lengo, l’art e li tradicioun de Prouvènço. Ourganisme à coumpetènci regiounalo beileja pèr lou Couleitiéu Prouvènço, l’Óusservatòri a pèr ambicioun de faire raiouna Prouvènço, ié baiant coume acò la plaço que s’amerito dins li gràndi regioun lenguistico de Franço.
