Le Collectif Prouvènço est une association qui a pour but de préserver et promouvoir la langue et la culture provençales.

Aujourd’hui, avec près de 1000 adhérents, 150 associations et plus d’une centaine de communes de toute la Région à nos côtés, nous participons au rayonnement de la Provence en mettant en valeur sa richesse culturelle et patrimoniale.

La vocation de cette association Loi 1901 est de protéger, perpétuer, diffuser et promouvoir la culture provençale à travers sa langue, ses coutumes et ses traditions, tout en s’inscrivant dans la modernité, avec comme outil principal l’Observatoire de la Langue et de la Culture Provençales.

Acioun pèr la recouneissènco de l’identita e la culturo prouvençalo :

Darrier eisèmple, la redacioun e l’espandimen de la Charto « O pèr la lengo e la culturo prouvençalo », signado en 2020 pèr 120 candidat is eleicioun municipalo, queto que siegue soun bord pouliti. Aquesto charto engajo aquéli que l’an signado à mena d’acioun pèr l’aparamen e l’espandimen dóu patrimòni nostre.

Ourganisacioun de manifestacioun militanto :

« Gardaren Prouvènço ! », en Arle en 2015 fuguè la mai marcanto.

Crea en 2015 à la vèio dis eleicioun regiounalo, à la sousto dóu Couleitiéu Prouvènço, de la Counfrarié di Gardian e de l’Unioun Prouvençalo, la Couourdinacioun Gardaren Prouvènço ! recampè 7000 manifestant vengu de Prouvènço touto, 300 assouciacioun e 100 elegi.

Aquelo manifestacioun majo s’adraio dins uno tiero d’iniciativo que reclamon la recouneissènço dóu prouvençau coume lengo de Franço ourganisado despièi la creacioun  dóu Couleitiéu Prouvènço. (De vèire l’istòri dóu mouvamen).

Lis evenimen :

Forum de Desèume, à Sant-Martin-de-Crau (13), « l’acampado la mai grando di culturo prouvençalo ». Aquest evenimen que se tenguè en 2018, 2019 e 2021 es un tèms de refleissioun (emé de countèsto) ; pèr lis assouciacioun prouvençalo, es l’escasènço de se moustra, es tambèn un moumen de fèsto emé d’espetacle de trìo.

Lou Forum recampo mai d’un cinquentenau d’assouciacioun que vènon de touto la regioun. Enauro tambèn li gàubi de la regioun nostro emé la presènci d’artisan, de proudutour e d’entrepreso, veitour de la richesso de noste terraire.

Lou Forum de Desèume es la seguido lougico dóu Forum dis Assouciacioun de Culturo e de Tradicioun Prouvençalo, que se tenguè de 2013 à 2017 dins la coumuno de Maussano-lis-Aupiho.

D’autro-part, lou Couleitiéu Prouvènço a ourganisa despièi sa creacioun mante uno manifestacioun culturalo : Festenau Me Dison Prouvènço, Festenau di Font, festenau Les Théâtrales en Luberoun.

Edicioun :

Edicioun d’obro bilengo pèr ajuda à la couneissènço de la lengo nostro e espandi la culturo, li tradicioun e l’istòri de Prouvènço, majamen emé la publicacioun de :

Sang & Or : un drapeau européen pour la Provence, Musico Nostro, Pastriho, La Poulido de Gemo, la biougrafìo dóu cantaire Gui Bonnet…

Le Coupier (diciounàri français/provençal), Le Dictionnaire des Rimes Provençales, Li Bouscarlo (recuei de dicho prouvençalo).

Bando dessinado en prouvençau : reviraduro dis album dis Aventuro de Tintin, publicacioun de l’album Gaspar de Besso.

La revisto bilengo Me Dison Prouvènço.

Ø Que l’Estat recouneiguèsse lou prouvençau coume lengo de Franço.

Ø Mena d’acioun coutrìo emé ciéutadan, atour culturau, istitucioun e majamen l’Educacioun Naciounalo pèr buta à la rodo l’ensignamen de la lengo prouvençalo.

Ø Creacioun d’un CAPES de prouvençau.

Ø Federa e recampa lis atour de la regioun (assouciacioun, couleitiveta, entrepreso) que represènton la culturo prouvençalo e soun identita.

Ø Faire de l’Óusservatòri un atour maje de l’espandimen de la culturo e de la lengo prouvençalo, emé de proujèt nouvèu que recampon, pèr enança nosto especificita regiounalo.

Èstre sòci, es :

Ø S’acampa à l’entour de l’amour de Prouvènço e de si valour.

Ø Deveni sòci d’uno assouciacioun pleno de voio qu’aubouro lou patrimòni prouvençau pèr sa lengo e sa culturo.

Ø Pourta sa pèiro pèr trouba lou biais de gagna li catau à nòstis idèio e faire que se pousquèsse metre en plaço de proujèt de grando amplour pèr li Prouvençau.

Ø Participa à d’evenimen culturau e de fèsto en proufichant de tarifo de proumoucioun.

Dóumaci voste soustèn, nòstis acioun an mai de pes e poudèn sensibilisa nòsti catau. Vuei, pèr recampa e deveni uno regioun fièro de soun identita culturalo, emé sa lengo enfin recouneigudo pèr l’Estat, avèn besoun de vautre.

Afihas-vous au Couleitiéu Prouvènço !

Dóumaci voste soustèn, nòstis acioun an mai de pes e poudèn sensibilisa nòsti catau. Vuei, pèr recampa e deveni uno regioun fièro de soun identita culturalo, emé sa lengo enfin recouneigudo pèr l’Estat, avèn besoun de vautre.

Afihas-vous au Couleitiéu Prouvènço !